Toe kom die dissipels na Jesus afsonderlik en sê: Waarom kon ons hom nie uitdryf nie?
Jesus antwoord hulle: “Deur julle ongeloof; want, voorwaar Ek sê vir julle, as julle geloof het soos ‘n mosterdsaad sal julle vir hierdie berg sê: Gaan weg hiervandaan daarnatoe! en hy sal weggaan, en niks sal vir julle onmoontlik wees nie.”
Watter waninterpretasies en misverstande bestaan rondom hierdie vers? Wat is die konteks en werklike boodskap? Is die geloof ‘n magiese krag wat jy in jouself kan kweek of bewerk om wonders te doen soos God? Is dit ‘n oproep om jou geloof in God te plaas en Sy raadsplan te vertrou? En is dit ‘n uitdaging om “harder te probeer glo”, sodat jy groot dinge in die naam van Jesus kan doen?
Waar kom ons geloof in God vandaan? Wie is die krag van ons geloof, en wie stel ons in staat om in vertroue te volhard, al gaan dit swaar? Waar pas gebed en vas in terwyl ons ons fokus, geloof en vertroue in God plaas?
00:50 Wat sê die vers: Matteus 17:20
01:30 Wanopvattings en misinterpretasies
07:50 Konteks
14:00 Geloof
17:10 Parallelle van hierdie gelykenis
21:00 Werklike betekenis
24:15 Hoekom het die dissipels misluk?
25:30 Volhard
28:00 Genadegawes
Skrifverwysings:
Matteus 17:14-21, Markus 9, 1 Korintiërs 12:9
Aanbieders:
Jonker Venter en Jaco de Beer
Hierdie potgooi / artikel is deur verskeie lede van die Scriptura-span saamgestel en geskep.