Wat gebeur met ons op daardie oomblik wanneer ons nie meer vir onsself kan besluit oor mediese sorg nie? Hoe moet christene oor genadedood dink, en is dit tot eer van God, en die mens wat Hy na sy beeld geskape het? Mag ons besluit oor lewe en dood? Is ons in staat om die gevolge van die genadedood te verwerk? Is ‘n lewende wil ‘n goeie idee? Hoe moet dit opgestel word? Wanneer staak mens mediese ingryping by ‘n sterwende? Wat is die verskil tussen genadedood en “laat my sterf” versoek?

02:20 Wat is die wêreld se beginsels oor sterf en leef?
06:30 Genadedood versus aborsie
09:00 Bybelse en gereformeerde beginsels van sterfte en lyding
16:00 Is daar ‘n doel met ons lyding?
28:00 Wat is die werk van ‘n dokter in die oë van die Here?
28:50 Lewende wil
37:15 Staking van mediese ingryping by sterwende
42:50 Deernis vir die medici en besluitnemers

Sedert 1985 praat die GKSA sinode oor vrou in die amp. Waaroor gaan die Januarie 2026 sinode besluit oor vrou in die amp - oftewel VIDA - en wat is nou die “debakel” daaroor? Gaan dit oor bevoegdheid van vroue wat in die amp dien, of oor die skrif wat dit belet? En hoekom is die kwessie al vir die afgelope 40 jaar ‘n punt van bespreking op sinode vergaderings?

Alhoewel die besluit TEEN vrou in die amp alreeds op 2009 se sinode afgehandel is, is daar in Januarie 2026 weer ‘n deputaatskap aangewys om vir die volgende 12 maande die gemeentes tot bekering, en om finaal gehoor te gee aan die sinode se besluit om geen vrou in die amp meer toe te laat nie. Die GKSA laat dus nie meer gemeentes toe om vroue in die amp te laat dien nie, omdat die skrif en die kerkorde duidelik daarteen leer. Die kerkverband wil broederlike liefde bewys deur ontbrekende gemeentes pastoraal te bedien met klassis en visitasie geleenthede, en hulle te wys op die waarheid van God se woord.

Die GKSA was lankmoedig om deur die jare al die argumente van beide kante aan te hoor, maar wil steeds op ‘n bybelse manier kerk wees, en op die kerkordelike manier die woord van God gehoorsaam wees. Volgens die woord van God behoort vroue nie in die amp van predikant, ouderling of diaken te dien nie, en moet God se voorskrifte as die hoogste gesag bo alles en almal, gehoorsaam word.

Minuutmerkers:
00:00 Wat doen GKSA met gemeentes wat 2009 besluit teen VIDA verontagsaam?
03:00 Historiese oploop en geskiedenis van die kwessie oor VIDA
04:55 Hoe is besluit oor die behandeling van ontbrekende gemeente?
08:00 Teenstrydige eksegetiese verklarings en skrifbeskouings
13:20 Wat presies behels die besluit van Januarie 2026?
17:45 Kerkorde bestaan reeds en moet gehoorsaam word
24:50 Waarom moet lidmate bewus wees van die saak?
30:16 Wat is die gebedsversoeke?
34:50 Faksies en polarisasie

Skrifverwysings:
1 Tim 2:11-12, 1 Kor 14:34-35, 1 Kor 6, Jak 1:19-20

In hierdie gedeelte waarsku Judas, die broer van Jesus, die gemeente van ernstig teen die valse leer van vleeslike sonde. Hy gebruik die Ou Testament, en wys dat God nooit verander nie, en dat Hy sonde regverdig straf. Wat leer die wolwe wat onder die gemeente insluit en hoe plunder hulle ons geloof? Is God se genade vir ons siele ‘n vrypas vir ons fisiese sonde? Kan ons leef soos ons wil omdat God ons vry gemaak het? Is daar geheime en nuwe inligting wat God nie in sy word vir ons geskryf het nie, sodat ons buite bybelse bronne moet raadpleeg om die Woord beter te verstaan? Wat is die eenvoudige maar kosbare waarheid waaraan ons moet bly vashou? Glo en leef ons met die vaste wete dat ons siel EN liggaam aan God behoort?

Minuutmerkers:
01:25 Skriflesing
03:00 Basiese tema - waak teen dwaalleer en fisiese sonde
07:33 Die geskiedenis dien as waarskuwing
- Israel in die woestyn
- Die engele se sonde
- Sodom en Gomorra

21:00 Wees duidelik oor basies dinge

Skrifverwysings:
Judas 1:5-7, Fil 3:1, Numeri, 2 Pet 3:2

Wat presies is die stryd waarin elke gelowige hom of haarself daagliks bevind? Hoekom voer die kerk ‘n voortdurende stryd? Wat is die skat wat ons moet bewaar? Wat steek soms onverwags kopuit in ons gereformeerde kringe, en wat is die leuens waarvoor ons moet uitkyk? Aan wie is die waarheid as skat gegee? Waarom is ons mede-aanspreeklik vir mekaar in hierdie stryd vir die geloof? Wie is die strydende kerk? Wat is die verskillende manière waarop dwalinge die kerk binnesluip, en hoe moet kerkleiers oor die kudde waak?

Bid, lees en oordink die woord van God, en “stry kragtig vir die geloof wat eenmaal aan die heiliges oorgelewer is”, want daar is baie misleiding wat slinks insluip in ons midde om gemeentes binne te dring, en om ons geloof seer te maak.

Minuutmerkers:
01:45 Skriflesing Judas 1:1-4
03:13 Groet van genade tot die stryd
09:43 Geloof - die skat wat ons bewaar
17:00 Mede-aanspreeklik vir mekaar in die kerk
19:50 Volhard enduit
23:15 Wat is ons waarborg?
24:20 Waak teen die besmetting van binne
30:45 Wie is die dwaaleerraars, en hoe lyk hulle?

Skrifverwysing:
Judas 1:1-4

Wanprestasie van die vorige Minister van Landbou, John Steenhuisen, (huidige Minister van Handel, Nywerheid en Mededinging), het uitgetree uit die Demokratiese Alliansie, omdat sy departement ‘n krisis veroorsaak het in die landbousektor, en hy nie sy bedieningstaak nagekom het nie.

Scriptura gesels oor die volgende vrae rondom leiers en ministers se verantwoordelikheid teenoor die burgers van ‘n land:

- Wat leer die skrif ons oor leiers in hoë posisies?
- Hoe is hulle aanspreeklik vir die beskerming van publieke belange?
- Oordeel God onverantwoordelike leiers en hul aanhangers?
- Kan ongeloof die aanspreeklikheid van die leier kanselleer?
- Het ampsdraers outonome gesag?

Dan lei die gevreesde teen-immigrante optogte wat op 30 Junie 2026 plaasgevind het in Suid-Afrika om ongedokumenteerde buitelanders te deporteer, die gesprek ook om die volgende vrae te oordink:

- Wat gebeur wanneer die overheid nie getrou is in hul taak om die land en burgers se veiligheid beskerm, en grense te reguleer nie?
- Wat gebeur wanneer die burgers van ‘n land se gesonde vrees vir die owerheid verdwyn, omdat die regering nie reg en regverdigheid toepas nie?
- Hoe lyk gesonde vrees vir gesag en straf, en gesonde vrees vir God?
- Hoe word vrees misbruik deur bose owerhede en regerings?

Minuutmerkers:
00:50 Temas
03:00 John Steenhuisen se aanspreeklikheid
08:43 Bedieningstaak en mandaat
14:25 Vyfde gebod
19:09 Teen-immigrante optogte
25:30 Burgery het ingetree waar staat misluk
32:07 Hoe word vrees misbruik deur regerings om burgers te beheer?

Skrifverwysings:
Rom 13, Rom 1, 2 Sam 5, Ps 24, Heb 2:1-15, 2 Tim 1:7, Jes 8:13, 1 Sam 15

Die kort boek van Judas, die nederige dienskneg van Jesus Christus, werp lig op die lewe van ‘n gelowige na Christus se opstanding. Diensknegte van die Here. Verdedigers van die waarheid. Van watter Judas word in hierdie teks verwys? Wie het en wanneer en vir wie is die boek geskryf? Die inleidende episode maak ons reeds bewus van die kwessies rondom die boek, en die wonderlike openbaring van God in hierdie boek. Waartoe roep God ons op in die boek, en hoe is die opdrag aan die kerk nog relevant in ons tyd?

Minuutmerkers:

00:00 Judas - Inleiding
02:30 Watter Judas?
09:00 Wie het en wanneer is die boek geskryf?
14:00 Hoekom en aan wie is die brief geskryf?
18:41 Drie dinge staan uit
- die wat geroep is
- die wat in Christus geheilig is
- die wat vir Jesus Christus bewaar is

21:00 Waarskuwing dwalings en skrifgesag
27:00 Eksegetiese uitdagings en kontroversies
34:00 Is Judas relevant vir vandag?

Is die kind van God se goeie werke vrug van redding, of oorsaak van redding? Kan die mens deur goeie werke gered word? Waarom doen ons goeie werke? Is dit genade van die Here aan Sy kinders om hulle te stuur, te bekwaam en op te rig om te kan werk en te mag dien in Sy koninkryk? Of moet ons werk om Sy genade te verdien? Red die Here ons net van sonde, of is daar nog iets groter wat Hy vir ons gee? Waartoe is ons gered, en wat moet ons nou met ons nuwe identiteit en vryheid maak? Hoe is die gesindheid en hoe lyk die hart van die nuwe eiendomsvolk van God? Staan die wedergeboorte dan los van goeie werke?

Minuutmerkers:
00:00 Goeie werke - Gered van iets tot iets
04:00 Waartoe is ons gered?
13:38 Bly in Christus om vrug te dra
15:15 Watter implikasies het Jesus se kruisdood verder vir ons?
22:15 Wie gee vir ons die goeie werke?
25:00 Nuutgemaak tot goeie werke
27:00 Hoe kan ek God dien?

Skrifverwysings:
Tit 2:14 en 3, HG Sondag 33, NGB Artikel 24, Joh 15:1-10, Ef 2:8-10, Jak 2:14, Gal 5:6, Luk 17:10

Scriptura gesels oor praktiese voorbeelde waarin ons alledaagse gesprekke apologeties kan benader. Ons moet moeite maak om mense in liefde te antwoord met die hoop wat in ons is. Maar wat is ons motivering, vertrekpunte en voorveronderstelling? Ons het die antwoord tot redding, asook die waarheid oor wie God is, wat waarheid is en wat in die Bybel staan. Ons kennis van God bestry elke valse idee wat ooit mag bestaan. Ons kan die liefde van God aanbied met groot sekerheid, en die waarheid van die bybel in liefde voorhou, soos God dit deur sy Gees en in sy Woord aan ons openbaar.

Minuutmerkers:
00:00 Apologetiek in die alledaagse lewe
03:25 Skriflesing
10:10 Motivering, vertrekpunt en voorveronderstelling
17:30 Relativisme
27:12 Sciëntisme
34:05 Subjektivisme
39:50 Moralisme
43:30 Sinkritisme
50:00 Praktiese wenke
55:15 Wêreldbeskouiing

Skrifverwysings:
1 Pet 3:15-16, Kol 2:8, Kol 4:5, Ef 4:15, 2 Kor 10:3-5

Ander episodes in die reeks:

Waar kom gereformeerde apologetiek vandaan, en waarin kan ons die absolute waarheid vind? Wat is die christen se standaard vertrekpunt in enige redenasie oor die bestaan van God, en wat waarheid is?

Minuutmerkers:
03:00 Historiese aanloop, ontwikkelling en metodes
09:24 Die verligtingtydperk - outonomiteit
15:40 Die anti-tese
16:52 Voorveronderstellings apologetiek
26:00 20ste Eeu apologete
29:15 Die christen se standard vertrekpunt
41:07 Relativisme

Ander episodes in die reeks:

Ons leef in ’n tyd waarin mense se verantwoordelikheid teenoor hul liggaam dikwels onder groot druk is. Aan die een kant word die liggaam verafgod — voorkoms, prestasie en gesondheid word absolute ideale. Aan die ander kant word dit verwaarloos — gejaagdheid, swak gewoontes en konstante stimulasie put die liggaam uit. Hierdie spanning wys dikwels op iets diepers: die moderne mens weet nie meer aan wie hy behoort nie.

Hierteenoor herinner die Bybel gelowiges aan die Christelike alternatief: “Julle behoort nie aan julleself nie … want julle is duur gekoop. Verheerlik God dan in julle liggaam” (1 Kor. 6:19–20). Dit is die troos wat gereformeerdes in die Heidelbergse Kategismus bely, naamlik dat ons met liggaam en siel aan Jesus Christus behoort. Die vraag oor liggaamlike sorg is dus nie net ’n vraag van gesondheid nie, maar ook oor identiteit.

Die liggaam is deel van my geloof

In die gereformeerde teologie word die mens nie gesien as ’n siel wat toevallig ’n liggaam het nie, maar as ’n eenheid van liggaam en siel (vgl. Bavinck). Dit beteken dat my geestelike lewe en my liggaamlike lewe nie van mekaar geskei kan word nie. Hoe ek eet, rus, werk en leef, het alles te doen met my verhouding met God.

Hierdie insig help ons om te verstaan dat sogenaamde “gewone” dinge nie neutraal is nie. Christelike denkers soos H.G. Stoker wys uit dat die mens altyd vanuit ’n diepste lewensoriëntasie leef. My daaglikse gewoontes wys dus iets van wat in my hart en denke aangaan.

Verlossing verander hoe ek leef

Die evangelie gee nie net vir my ’n nuwe identiteit nie, maar ook ’n nuwe lewenswandel. Ek behoort aan Christus — en daarom leef ek anders. Hierdie verandering gebeur nie deur blote wilskrag nie, maar deur die werking van die Heilige Gees.

Tog beteken dit nie dat die Christen passief leef nie. Pastorale skrywers soos Jay Adams beklemtoon dat geloof sigbaar word in konkrete gehoorsaamheid. Wat ek glo, begin wys in hoe ek leef. My gewoontes, my roetine en my prioriteite begin verander.

Dit is waarom geestelike dissiplines so belangrik is vir Christene. Donald Whitney wys dat praktyke soos Bybellees, gebed en stilte nie wettiese pligte is nie, maar middele waardeur God ons vorm. Sonder hierdie dissiplines raak die geloof maklik oppervlakkig en onbestendig.

’n Wêreld wat ons uitput

Ons moet ook eerlik wees oor die tyd waarin ons leef. Die moderne wêreld stel unieke eise aan die mens. Tegnologie, konstante kommunikasie en ’n kultuur van prestasie laat baie mense oorlaai en uitgeput voel.

Selfs algemene sielkundige insigte wys dat voortdurende stimulasie en gebrek aan rus ’n negatiewe effek op beide die siel en die liggaam het (vgl. McAdam). Wanneer ’n mens nooit tot stilstand kom nie, begin die liggaam onder die las van die lewe swaarkry.

Terselfdertyd leer die kultuur vir ons dat ons aan onsself behoort — dat ons met ons liggame kan maak wat ons wil. Die Bybel leer egter presies die teenoorgestelde: die liggaam is nie my eie nie, maar deel van my lewe as dissipel in diens van Christus.

Praktiese riglyne vir die alledaagse lewe

Wat beteken dit dan prakties om God met my liggaam te verheerlik? Hier volg ‘n paar riglyne wat biddend onder leiding van die Gees gevolg kan word.

Eerstens begin dit by die Woord. ’n Christen kan nie geestelik groei sonder om tyd met God se Woord deur te bring nie. Dit is waar gelowiges krag en rigting vind. ’n Dag wat sonder die Woord begin, verloor maklik sy fokus. Natuurlik gaan gebed hiermee saam. Die bekende gesegde wat dikwels aan Martin Luther toegeskryf word, spreek vanself: “Ek het vandag soveel om te doen dat ek die eerste drie ure in gebed moet deurbring”.

Tweedens moet ek my aandag beskerm. In ’n wêreld vol afleidings moet ek doelbewus kies wat my aandag kry. Dit beteken praktiese grense met onder andere tegnologie en skerms.

Derdens moet daar ’n ritme van werk en rus wees. Ons is geskape wesens, nie masjiene nie. Gereelde rus en genoeg slaap is nie luuksheid nie — dit is ’n basiese behoefte en deel van verantwoordelike gehoorsaamheid aan God.

Vierdens moet ek selfbeheersing beoefen. Dit raak hoe ek eet, hoe ek my liggaam gebruik en hoe ek my lewe inrig. Hierdie dinge gaan nie oor selfbeeld nie, maar oor rentmeesterskap.

Laastens moet ek my prioriteite reg stel. Tyd met God, met my gesin en met die plaaslike gemeente van God moet doelbewus beskerm word. Dinge soos gejaagdheid, uitstel en gemak kan maklik slegte gewoontes word wat my lewe oorheers as ek nie waak nie.

Terug na die begin

Die doel van liggaamsorg is nie om langer te leef, beter te lyk of meer produktief te wees nie, maar om God in dankbare gehoorsaamheid te verheerlik. Wanneer ’n mens vasval — en dit gebeur tot ’n mindere of meerdere mate met almal — moet jy nie vassit in skuldgevoelens nie. Gryp gelowig na die evangelie wat my herinner: ek behoort aan Christus.

Bekeer en begin van daar af. Kry weer jou krag in Hom. Begin weer klein — met eenvoudige, gehoorsame stappe. Nie in jou eie krag nie, maar deur die werking van sy Gees.

Want uiteindelik is dit nie jou dissipline wat jou dra nie. Dit is Christus, deur sy Gees, wat jou dra.

Drie temas is bespreek in Mei se perspektief episode:

Eerstens het Pous leo XIV die Magnifica Humanitas oor die beveiliging van die mens in ‘n tyd van kunsmatige intelligensie gepubliseer. Stellings oor menslike waardigheid teenoor ‘n technokratiese paradigma, en die onderskeid tussen menslike en kunsmatige intellligensie, en raad oor hoe daar verantwoordelik omgegaan moet word met die modernisering van leer in die digitale era is aangedui.

Tweedens is daar ‘n video oor ‘n Skotse seuntjie wat regop bly staan het terwyl sy maats gebuig het voor Alla tydens ‘n demonstrasie by ‘n moskee oor hoe Moslems aanbid. Dit het ‘n sosiale media debat ontketen oor verskeie belangrike redes.

Derdens het die Daily Maverick koerant ‘n artikel oor anti-immigrasie, en xenofobiese optogte en geweld in Suid-Afrika gepubliseer. Wat staan die kerk te doen?

Minuutmerkers:
00:30 Perspektief Mei 2026
01:35 Temas
- Magnifica Humanitas oor AI
- Skotse seun weier om voor Alla te buig
- Daily Maverick - Anti-immigrasie, eiegeregtigheid en xenofobiese geweld
22:50 ‘n Skotse seuntjie wat weier om te buig voor Alla in moskee
35:00 Daily Maverick berig oor anti-immigrasie optogte, en eie geregtigheid en geweld
43:40 Wat is die taak van die kerk hieroor?

Skrifverwysings:
Jak 1, Matt 25, Dan 3, Eks 20, Liv 19, Deut , Hand 17, Rom 13,

Boeke:
- Amusing ourselves to death, deur Neil Postman
- The desecrating of man: how the rejection of God degrades humanity, by Carl Trueman
- Crisis of confidence, deur Carl Trueman
- The rise and the triumph of the modern self, deur Carl Trueman

Artikels:
- Magnificat Humanitas: https://www.vatican.va/content/leo-xiv/en/encyclicals/documents/20260515-magnifica-humanitas.html

- Skotse seun bly staan: https://youtube.com/shorts/_TtLc2elq-w?si=J9G8X_3Sxl0zIVjo

- Immigrasie optogte en geweld:
https://www.dailymaverick.co.za/article/2026-05-12-anti-immigration-marches-raise-questions-over-vigilantism-violence-and-police-response/

Ander episodes in die reeks:

Hoe ken ons waarheid, is menslike rede neutraal, en is daar ‘n verhouding tussen geloof en rede? Waarom is daar verskillende benaderings van apologetiek? Wat is die hoof soorte apologetiese benaderings?

Minuutmerkers:
04:20 Hoe ken ons waarheid, is menslike rede neutraal, en is daar ‘n verhouding tussen geloof en rede?
14:20 Waar pas die sondeval in?
21:45 Openbaring en kennis van God
25:30 Natuurlike openbaring en die gewete van die mens
29:25 Hoofbenaderings
31:25 Klassieke apologetiek
43:28 Voorveronderstellings apologetiek
50:35 Gereformeerde epistomologie

Ander episode in die reeks:

Is die nagmaal net ‘n simbool, of is die brood en die wyn heilige tekens? Hoe moet ons die teenwoordigheid van Christus in die nagmaal verstaan? Christus het fisies aan die kruis gesterf, en weer fisies opgestaan uit die dood, en ook fisies opgevaar na die hemel. Is Hy dan fisies of net geestelik teenwoordig in die elemente van die nagmaal? Staan die nagmaal elemente en Christus apart van mekaar? Wat beteken dit om Coram duo te leef? Is dit net Jesus wat teenwoordig is by die nagmaal, of ook God en die Heilige Gees?

Minuutmerkers:
01:40 Luisteraarsvraag: Is Christus teenwoordig in die nagmaal?
06:14 Mattheus 26:26 en 28
11:18 Lukas 22:19-20
14:00 1 Korintiërs 10:16-17
16:23 1 Korintiërs 11:20-27
18:10 Johannes 6:35, 53-58
20:15 Johannes 14:16-20
25:57 Samevatting van Gereformeerde oortuiging

Ander episodes in die reeks:

Onderwerpe van bespreking vir vandag is die genadedood of bystanddood wetgewing wat oorweeg en gedryf word om goedkeuring te verkry in Suid-Afrika. Wat is die argumente daarvoor, en wat is die plek en doel van lyding in die christen se lewe? Is daar enige gronde vir genadedood volgens die Bybel?

En dan is die Weste ook geweldig besig om Islam in die samelewing te omhels ten opsigte van sosiale aanvaarding, geestelike tegemoetkoming en ‘n algemene plek vir hierdie afgodsdiens. Wêreldwyd is lande besig om dit al hoe minder teen te staan, en Islam word sonder werklike bewustheid van die bedreiging wat dit inhou, en tot groot kommer, omarm as ‘n vriend.

AI, of Kunsmatige Intelligensie, word vir vele doele aangewend deur alle soorte industrieë met groot sukses, maar... hoe behoort ons as christene daarmee om te gaan, dit ten goede te gebruik, en waarteen moet ons waaksaam wees?

Minuutmerkers:
00:00 Perspektief - April 2026
02:18 Genadedood wetgewing dreig in SA
16:00 Islam word omarm deur die Weste
24:48 Globalisme en intergeloof
28:06 AI - hoe moet ons kunsmatige intelligensie benader en gebruik?

Ander episodes in die reeks:

In Scriptura se onderhoud met Professor Jorrie Jordaan oor Tekskritiek, het hy hierdie vrae breedvoerig beantwoord:

Besit ons steeds die onvervalste evangelie? Wat is tekskritiek, en hoe is die bybel - spesifiekdie nuwe testament - onder gelowiges in die eerste drie eeue na Christus versprei? Hoe is die bybel vertaal, en hoe het die evangelie behoue gebly, en het die handgeskrewe afskrifte hoofsaaklik ooreengestem?

As die bybel oorgeskryf is deur mense, kan ons daarop staatmaak dat dit ‘n goeie kopie van die oorspronklike woord van God is? Is die Heilige Gees en die openbaring van God afhanklik van menslike vertalings en oorlewering?

“Vertalings is betroubaar in sovere hulle die Griekste teks volg wat die Here in sy woord gegee het.” is Professor Jorrie se bevestigende antwoord of die drie hoofvertalings wat ons lees in die Gereformeerde kerke, waar en betroubaar is. Die Here het dit so beskik dat Sy woord behoue gebly het deur al die eeue, en korrek vertaal en oorgelewer is, ongeag omstandighede, uitdagings en dreigende gevaar.

Minuutmerkers:
00:00 Onderhoud met Prof Gert Jordaan
02:38 Wat is tekskritiek?
06:40 Verskil die inhoud van die verskillende afskrifte?
09:45 Brontekste, outograwe en afskrifte
14:44 Hoe het bepaalde foute in die teks voorgedoen?
21:12 Bybelvertalings
27:24 Is die bybel wat ek lees dan onbetroubaar?
31:40 Verskille in grondtekste en die textus receptus
38:00 Praktiese raad oor verskille in vertalings
45:24 Die drie amptelike vertalings se onderskeie doelwitte en metodes

Skrifverwysings: Joh 5:7-8, Open 22:19

Wat is apologetiek en waar pas dit in my geloofslewe in? Moet ek die waarhede van die Woord van God, of my geloof in die waarheid van God in die publiek en algemene samelewing verdedig? Wat is die doel van apologetiese getuienis of redenasies met ongelowiges of soekendes? Is ek gereed om ‘n verdediging aan te bied om die leuens oor God teen te staan in my naaste se hart?

1 Petrus 3:15 leer vir ons “Maar heilig die Here God in julle harte en wees altyd bereid om verantwoording te doen aan elkeen wat van julle rekenskap eis omtrent die hoop wat in julle is, met sagmoedigheid en vrees..”

Minuutmerkers:
00:00 Inleiding tot apologetiek reeks
05:00 Waar kom ons apologetiek in die samelewing teë?
09:00 Wat is apologetiek?
10:00 Apologetiek as vakgebied binne teologie
14:44 Wat is apologetiek NIE?
17:00 Noodsaak van apologetiek in elke gelowige se lewe
23:00 Liefdesroeping
28:00 Almal is ‘n apologeet
29:10 Wêreldbeskouing en voorveronderstellings
34:26 Praktyk en doel

Skrifverwysings:
1 Pet 3:15, 1 Tim 3:15, 2 Tim 3:16-17, 2 Tim 4:2, 1 Kor 9:3, 1 Kor 1–2, 2 Kor 10:2-5, 1 Kor 15:3–7, Jak 3, 2 Kor 13:18

Boek Voorstelle:
The myth of religious neutrality – Roy A Clouser

Christian Apologetics – Alister E McGrath

“En Ek, as Ek van die aarde verhoog word, sal almal na My toe trek.”

Waaraan is Jesus se verhoging gekoppel? Trek Jesus “alle” mense na Hom toe? Hoeveel kan ons as mense bydra tot ons aangetrokkenheid tot God? Hoe verskil universalisme van die gereformeerde leer oor die uitverkiesing?

En waarna verwys Jesus as Hy net voor hierdie gedeelte in vers 23 sê “Die uur het gekom dat die Seun van die mens verheerlik sal word…”?

Waarin lê ons troos en hoop as gelowiges? Kan ons troos vind in die wete dat God alle ware gelowiges vir sy koninkryk uitverkies het voor die grondlegging van die aarde, en ons na Hom toe getrek het?

Minuutmerkers:
01:20 Teksvoorlesing uit Johannes 12:32
02:18 Wat is die konteks?
08:43 Waninterpretasies en falshede
12:15 Wat beteken die “almal” en die “trek” wel?
15:30 Universalisme teenoor uitverkiesing
19:00 Oordeel en redding
20:40 Troos en hoop

Skrifverwysings:
Joh 12, Dan 7, Joh 10, Rom 1, Joh 6, 1 Tim 2:3-4, Ef 1 en 2, Joh 6:44, Joh 3:16, Joh 1:12, Job 19:25, 1 Tess 4:14

Ander episodes in die reeks:

Tydens Paasfees kan ons lees en dink oor die getuienis van al die mense wat voor, tydens en na Jesus se kruisiging by Hom was, en alles waargeneem en ervaar het. Dan sien ons mooi hoe ons met elkeen van hulle kan vereenselwig, en soortgelyke swakhede het. Ons besef weereens ons groot nood vir Christus se verlossing, maar veral hoe groot God se genade is.

Minuutmerkers:
03:00 Pontius Pilatus – soos die massas
07:09 Barabbas – seun van die vader
14:40 Die Romeinse soldaat – eens gehard en ongenaakbaar
17:21 Die vroue by die kruis – stukkend, maar sterk in die geloof
20:40 Twee misdadigers aan die kruis, en hoe hulle verskil
27:22 Die opstanding – die vroue by die graf
31:47 Die ongelowige Thomas kom tot geloof
35:10 God ontmoet die Emmaus gangers op hul pad
39:08 Die selfversekerde Petrus verloën Christus

Skrifverwysings:
Ps 2, Matt 27:15-26, Rom 5, Rom 3, Gen 3:15

Wat is die christen se verantwoordelikheid teenoor God en teenoor naaste wat woorde en waarheid betref? Hoe kan ons broers en susters, asook diegene buite die kerk, se beeld en eer beskerm? Hoe vermy ons en staan ons teen die verskillende vorme van lieg en bedrieg in praktyk? Moet ons soms net stil bly ten einde die “vuur” van kwaadpraat te blus? Bereken die effek van jou woorde en toets of dit God gaan verheerlik.

Minuutmerkers:
01:00 Pastoraal: Skinder en skinderstories
04:30 Hoe lyk skinder in die praktyk?
13:12 Aard en effect van skinder
18:50 Wat VERbied en GEbied die negende gebod?
24:50 Kerkorde en praktiese hantering
27:17 Toets jou eie motiewe
34:00 Moet ons soms net stil bly?

Skrifverwysings:
HBK Sondag 43 vr en ant 112, Eks 20:16, Spr 6:16-19, Spr 10:19, Spr 13:3, Pred 10:1, Matt 12:36, Jak 3:6, Matt 18, Ef 4:29, Kol 4:6, Spr 12:18

Boekverwysing:
Jerry Bridges – Respectable Sins

Ander episodes in die reeks:

Wat is die konteks van Spreuke en hoekom het God dit vir ons gegee? Hoe moet ons dit lees en is die mistiese visioen of die moralistiese benadering korrek? Moet ons eers drome en visioene kry om die regte pad te volg? Wat is algemene misbruike van hierdie teks? Hoekom kyk ons verlossingshistories na hierdie teks? Wat dring ons tot gehoorsaamheid aan God? Waarom staan “bandeloosheid” teenoor “geseënd wees” in hierdie vers? Kan die wet vir ons ‘n troos wees, en watter uitwerking het die woord van God op die samelewing?

Minuutmerkers:
01:25 Verskillende bybelvertalings van Spreuke 29:18
02:25 Konteks van Spreuke
07:46 Wat sê Spreuke 29:18 NIE?
11:00 Misbruik en wanopvattings van die teks
14:30 Tydperk van Spreuke – profete en visioene
17:00 Godsopenbaring
21:10 Doel van die wet
25:30 Geestelike ontsmetting

Skrifverwysings:
Spr 29:18, Heb 1, Rom 1-3

Ander episodes in die reeks: